Da dove vien la cultura véneta??? Dal Brasile!

 

L´altro dí zé sta ´l turno dea bravissima artista María Lúcia Sandri

ancó, e no zé da manco: Juvenal Dal Castel che, da sta pagina QUA 

se presenta da Porto Alegre

co capeo,

guitara e un goto de vin bon

a cantare e so cansón!

 

Desso, sto nostro amigo, che parla véneto mejio de tanti véneti del... Véneto

Se presenta con nantro capolavoro  GRIGIALDA – LA GALINA CONTADINA

 

Capítui da scoltare, no da lésare!

dáea vose stesa de Juvenal Dal Castel, originario de Beún

col acompagnamento dei so strumenti!

 

Bon par chi che voe imparare ´l Talian, diaeto véneto!

Bon par chi che ama la nostra lingua véneta!

Bon par chi che voe passare 10 minuti par capítoeo in alegra compagnia!

Bon par tuti i véneti del véneto che no crede che la conservassión dea specie…

               riva proprio in Brasíe.  Sud del Brasíe!

 

Divertente, alego, sonoro, perfeto!

Juvenal ga scrito in mp3 un capolavoro!

un libro da scoltare co la mente,

un libro da rídare, col core,

un libro da gódare col ánema!

 

Dopo le “Barufe Ciosote”

e Naneto Pipeta: GRIGIALDA – Na galina contadina!

Desso anca direttamente dal nostro Sito! ( QUA)

 

Da dove vien la cultura dea letteratura véneta!

 

Un abrasso e un strucón

 

Roberto, amissimondoveneto

 

 

 

 

Juvenal Dal Castel - Instrumental.mp3
File audio MP3 2.7 MB
Corispondensa....docx
Documento Microsoft Word 35.9 KB
Italia,_Mama,_Nona,_Bisnona.pps
Presentazione Microsoft Power Point 1.9 MB
Italia+Mama+Nona+Bisnona.mp3
File audio MP3 3.4 MB

Italia, Mama, Nona, Bisnona 

- Jovino Castel -

Itália, Mama, Nona, Bisnona,
    
Gran genitora de tuti taliani del mondo.
Itália, Mama, Nona, Bisnona,
Gran genitora de tuti taliani del mondo.               .

Mama che aspeta pramosa el ritorno del fiol che dimora. 
Te portemo anca noantri ntel cuor  
E gavemo per te riverensa e amor.
­Come capir questa voia de ritrovar
Questi posti andove non semo mai stati?
    
Par fin belche aver caminà le pianure e scalà to montagne.
Belche pestà su  la sabia ntel bagno del mar

Son sicur che ala note me ànima
Camina tel sogno, trasportata in lontan
Su la nave del tempo e del spassio
A sodisfar el bisogno de ritrovar
So mama de ieri, de ancoi, e doman.

La+Predica+Ai+Fioi+-+Juvenal+Dal+Castel.
File audio MP3 4.1 MB

La Prèdica Ai Fioi
(Juvenal Dal Castel)

Insenharghe l bem ai fioi, nel tempo de ancoi
No zé piu come na olta. Pol ozar che noi te scolta.
I ga coraio farghe fronta ai soi propi genitori.
Brute robe! Fin paura sia senhai del fin del mondo.
Come ga dito il Sinhor in tela Santa Scritura.

Fiole ste mia far lê strambe che vê taio via lê gambe
Dizea l pupa e la mama. Valtri, fioi, fê polito,
volemo insenharve l drito trate suito d’imparare.
No ste mia smentegare lê parole che vê hó dito.

A podê anca ndar um baile, su tel salon de la ciesa.
Ma trate de comportarve. Sempre com bele maniere.
Ver rispeto com le tose. Fá vergonha i chuchetoni.
Brigadori che alza oze a farse veder valentoni,
le pérche noi zé mia boni de catarse le morose.

Se mia bone injuvinar cosa gá i omi in testa
Feve furbe, stupidele, i vien com parole bele,
A menarve veder strele, Non ste er paura farghe bruto
Noi zé omi de parola., no ste darghe permisson.
Vê promete maridarse e dopo i vê da l caron.

Giorno ancoi cuando i se basa, par fin due vedei.
Resta bruto pai vecioti, pegio ancor pai tosatei.
Quel che fá tele novele, dopo fá anca in colônia.
Lê tose se sgionfa l peto che par fin due culate.
I popini sensa late, i chuchará del silicone.

Tose brave e bem vestie cata facile l moroso.
Nocor mia che sia sioro che sai bom de sparanhar.
Che nol beve, ne che l fume, basta che piaze l laoro.
Sensa vicio de maconhne, sempre ghe um bravo toso.
Felo suito vostro sposo dentro in chesa anche in cartório.

La+Tosa+Del+Sogno+-+Jovino+e+Ary+Vidal.m
File audio MP3 4.2 MB

La Tosa Del Sogno
(Jovino e Ary Vidal)

Co on vardar incantador, dei bei làvari a incantar,              
Spacà a tochi el me cuor, me gà brusà co el so vardar              
Me gà strigà la bela tosa con  sui bei òcii celesti.
El me pensier se gà imbroià, mà el cuor se gà impienà 
de contentamento.

Imaginário mistero, pianpian a lontanarse;
Sassiavase el pensier sol de ela ricordar-se:

Non poder verla darente
El cuor se gà fato a tochi cofà  on mucio de roinassi
Ela zera sempre in mente dea matina fin a sera
Ver i nervi fati de asso, granda roba, gnente giova
Sol vardar la bela tosa sospiravo bem profondo.

Ancor ancoi gò bisogno, ricordarme fantasioso        
Del so vardar grandioso, incantador e alegro.        
Non me gà imbroià il sogno dea lunga note d’inverno,
Restarà sempre con me, sempre me acaressarà
questo ricordo eterno.

 

 

 

 

Magnar+de+Oro.wma.wmv
Formato Video Windows Media 3.9 MB

MAGNAR DE ORO
Jovino Castel

Dime: De ndove vien questo magnar così bon?
Dime: Parché la ga questo color de oro!

Vien del laoro de noantri Taliani
De l'arte e l'amor dele nostre mame.
Vien zó dei monti e de via dei piani
Mareli de Fiori, e verdi de rami
Pintai de colori ben brasiliani:

Al fogo de legna ala sera la boie in caliera. Cià cià pum!
Suito al taier in formato de sol, la fa fum! la fa fum:

In siapa ala matina và ben brustolada
E vanti se prega um ringràsio al Signor
Nantra magnada con formai e puina.
Com forsa de Stela riune la fameia
La Mama el Pupà in tola coi fioi:

Ndemo in colònia, bonora sul ciaro del sol.
Al fresco se laora disposti e con meno sudor.

C'o un faoto de fete rento na toaia
E um piat de fortaia rento na sestela
Caldina e marela, ma che gusto bon!
Al'ombra dea pianta sentai zó in tera
Contenti se magna la colassion.

Magnar_de_oro.pps
Presentazione Microsoft Power Point 2.6 MB
Semo Taliani - Juvenal Dal Castel.wma.wm
Formato Video Windows Media 2.9 MB

Semo Taliani
(Juvenal Dal Castel)

Semo Taliani, Coloni semo, magnon polenata, gnente devemo.
Se femo debiti coi nostri soldi noantri  se paghemo.
Semo Taliani,  Coloni semo, magnon polenta, gnente devemo.
Se ghe um sarlatan che vien inbroiarme, femo su l bacan.
Tanto coraio noantri gavemo. Brigue de punhi noantri non femo
E i Scalsacan, sol  te na ozada, noantri li spauremo                       
Noi semo omi ma non gavemo nhente de contra dei maisomeno
Fae quel che i vol, maraveia ancoi, nhanca  pi se femo.
E sentimenti, tanti gavemo, ma ze cole done che se maridemo.
E i viadi e tute lê bestie noantri rispetemo.
E perche tanto ghe volemo bem, non li magnemo.
Se de olte ocore, anca pastemo, magnemo l‘erba che semenemo
Dassemo viver in volta pal mato le bestie contente.
Gom impiantá lá de fumar e bever, ma um bicier de vin Che fá bem al cor
Um mesdi um a sera se fa  um bel color e noantri lo bevemo
Com pochi soldi, a se viremo, savemo far parche sparanhemo
Perche savemo viver bem contenti con quel che gavemo
E sentimenti, tanti gavemo, ma ze cole done che se maridemo.
E i viadi e tute lê bestie noantri rispetemo.
E perche tanto ghe volemo bem, non li magnemo.
Se de olte ocore, anca pastemo, magnemo l‘erba che semenemo
Dassemo viver in volta pal mato le bestie contente.
Go impiantá lá de fumar e bever, ma um bicier de vin Che fá bem al cor
Um mesdi um a sera se fa  um bel color e noantri lo bevemo
Nostra lavora é senzsa velen.
Com pocchi soldi, vivemo ben
Perche savemo viver bem contenti
con quel che gavemo
Perche savemo viver bem contenti

con quel che gavemo    5 X

Pers el Morbin.wma.wmv
Formato Video Windows Media 3.3 MB

Pers El Morbim

Melodia e armonia de: Jovino Castel 
Scrita de: Darcy  Luzzatto

Da zoven , el mondo el gà cognossest,
Magnà, gà bevest! L’à fat quel che l’à volest.
I ani ghe pesa, no’l vol pi cantar.
Magari, el và in ciesa sempre tanto a pregar.

Vè a pian, Parona, vè ben pinpianin!
El vècio el zé stanco, el gà pers el morbin.

Ghe fà mal le man, i piè, anca el col.
Se sgionfa par tuto, meno in quel che lu el vol.
Parona, bonassa, contenta così.

Portemo passiensa, proaremo nantro di !

Sul L Fogon - Juvenal Dal Castel.wma.wmv
Formato Video Windows Media 3.0 MB

Sul Fogon
(Juvenal Dal Castel)

Ghe zê un fogon a lenha, te la casa de un talian
Per brustolar la polenta e scaldarse su lê man

Cara, vien darente a mi, qua dedrio del fogon.
Sentete zô in carega, conteme su  unqualque stória, che me piaze ciacolar.
Porta qua un biccier vin, son vicia de picinin
Tiren fora i  mandolini, perche i zé belche passai,
Impienimo su de patate, tel forneto se cuzina.
Assa il gato dormir rento Che stassera vien la brina.   (estribilho)

Seremo su lê finestre, que non vegna rento fredo.
Dame l sal, nantra sciantina, ghe vol força per dresfar
Questi gnochi de farina
Su na lenha de ocalito, che scalda la casa intiera
E l compare, sará vera che ol propio scampare via?
Se chiapará gramo suito e tocará tornar in drio.   
Na dona companha questa pol cercar che l cata mia.
 (estribilho)

Ghemo in torno i tosatei drio che i fá il tema de casa.
Prima che bruse l soaio, quando casca zo na brasa
Caton su co’n strasso moio.
Atenti co la salera, che gue zé acua de boio.
No só se fao na fortaia,  o se me rostisso um ovo.
Queste note cosi frede nhente meio que um bom fogo
Poi de giorno fora al vento se scaldemo tel laoro.     
(estribilho) ( ritorneo)

Viver+in+colonia.mp3
File audio MP3 4.0 MB

VIVER IN COLONIA (Juvenal Dal Castel)
Revision Ortogràfica par Talian - Darcy Luzzatto

Parona, mi viu dirve na roba: I pol rider ma mi non go mia vergogna.
Tornemo in drio e ndemo viver in colònia.

Là, ghè galine, gati, rati, cagni, pioti, rospi, oche, farone, bestie de mato, porchi, boi, cavre su pai potreri, gai che canta e tatu.
Là, ghè vedei che ciucia le tete dee vache, anaroti, ozei che canta su pae capoere, sabià, ciraciore, poiane,corbi, colombi, saracure, e gnambu.
Brespe, ragni pelosi, lagardi e moschin che beca i calcagni.
Stivai longhi ai zenocii par le giralache non becarme su.

Là, ghè me pare, me mare, me nona e cognada che fan bon da magnar e non ocore pagar e vao coi toseti sensa guastar gnanca um teston.
Lori i fa tanta question che ndemo trovarli se ghe portemo presenti o se ghe imprestemo soldi sensa giuro e ricever in truco de formaio e pan.
Su i due tre giorni i se stufa de noantri e i scominsia sufiar e noantri ne toca torsela prima che i ne tache adrio i cagn.

La, ghè fontane de àqua fresca, parpaie que zola, lusariole, de note um mùcio de stele, e proemo ciapar barbastrii, ma i ze pi svelti che noantri.
Cagni cativi toca mansarli e anca insegnarghe sol a sbaiarghe adrio ae bestie, spaventar e spaurarle sensa darghe smorsegoni.
Um giorno, doménega, in ciesa ghera na toseta piena de vergogna e go cognossesto felice la cosa pi bela del mondo.

 

Perche+Bela+Cosi+-+Jovino.mp3
File audio MP3 5.0 MB

Perchè Bela Cosi
(Jovino Castel)

Perché te fai così bela?        
Sol per assar el mio cuor
Come na bomba a vapor
Che sgionfa de sangue me testa
C’o sti pensieri d’amor.

Co sti cavei longhi e negri,     
E tuto il corpo perfeto,
Vedo in tra mezzo al atuo peto
Um segno per haver rispeto
El crocifissio del Signor.

Voio far l’amor com te, signorina       
Ancor ancoi me marito com te se  te vuoi.

E quando sento la tua ose, 
Tanto suave e  cosi dolse
Com parole afetuose
Vedo in fondo de to ànima
Um fasso de grando splendor.

Vien dal celo.mp3
File audio MP3 3.8 MB

Vien Dal Celo
Scrita de Honorio Tonial e Música de Jovino Castel
 
Aleluia, Aleluia, Aleluia!

Scoltemo, Dei Angeli la bela sinfonia.    Aleluia
­­Spetemo co l’anima in plena sintonia.      Aleluia
                      
/:Vien dal Celo? Vignarà de lassù!
I Canta in onor del Bambin, Del Bambin Gesù:/  

Ritornemo a la sita de Gerusaleme
Miraremo la Santa Grota de Betleme
Ostaria dea Sacra Fameia:
Note de gripia, ricamo de fien.  Aleluia

Tanto bela, la Vèrgine Maria.
A San Giusepe la presensa convien.
Vien dal celo el miràcolo profondo
Vedaremo che el sara el Salvator del mondo.

Scoltemo, Dei Angeli la bela sinfonia.    Aleluia
Spetemo co l’anima in plena sintonia.     Aleluia
Nadal! Nadal! La note eterna
Amicissia dolce e fraterna
Dea nostra si cara entità
Al Mondo intiero la viaiarà e, eeeeee...
La linguadei nostri noni la ricorderà
Aleluia.

VIVIANE di San Martino di Lupari
VIVIANE di San Martino di Lupari